NGIR har ledig stilling som

kunderådgjevar

NGIR har i dag omlag 13.000 hushaldskundar og 6.000 hyttekundar. Kunderådgjevaren er sentral i å vedlikehalda og vidareutvikla kunderegisteret, og har ansvar for sakshandsaming knytt til privatkundar.

Sentrale ansvarsfelt for kunderådgjevaren:
•  Sakshandsaming knytt til renovasjonsforskrifta.
•  Vedlikehald av kunderegister.
•  Administrera praktisk tilrettelegging for kundane.
•  Gje uttale i arealplanar.

Stillinga krev gode samarbeidseigenskapar, samt god munnleg og skriftleg framstillingsevne. Det er naudsynt med erfaring i bruk av dataverktøy og det vil vera ei føremon å ha kjennskap til GIS. Relevant utdanning på høgskulenivå og erfaring frå offentleg forvalting er ynskjeleg. Det vert lagt stor vekt på personlege eigenskapar.

Administrasjonsmålet i NGIR er nynorsk. Løn etter avtale. Spørsmål om stillinga kan rettast til dagleg leiar, Øystein Lilletvedt tlf. 56 34 33 17.
Søknad med CV og kopi av attestar sender du til NGIR, Lindåsvegen 1260, 5956 Hundvin, eller på e-post til Denne e-postadressa er verna mot program som samlar e-postadresser. Du må aktivere JavaScript for å kunne sjå adressa .

Søknadsfrist: 4. april.

Plastfolie frå landbruket

 

I samarbeid med bondelaga i Radøy, Meland, Austrheim og Lindås, samlar NGIR inn plastfolie frå landbruket laurdag 26. mars kl 10.00–15.00.

 

Hella på Radøy v/ Otto Hella	tlf 934 98 044
Meland v/ Magnar Askeland	tlf 918 63 484
Nordre Lindås v/ Jostein Hellestveit	tlf 950 00 264
Vågseidet v/ Ove Holmås	tlf 482 00 930
NGIR – Kjevikdalen

 

Dette kan du kasta:	Dette kan du ikkje kasta:
Rundballefolie –  kvit og farga	Produktrestar
Rundballenett i eigen sekk	Jord og sand
	Anna plast

 

Slik gjer du:

1.    Rundballeplasten må vera så rein som mogleg.

2.    Fjern rundballenettet og legg det i eigen plastsekk i konteinar.

3.    Rundballane kan leggjast rett i konteinaren.

 

Bosstømming om vinteren

Snø og kulde kan vera upraktisk og ei utfordring for folk flest. Det gjeld og for mannskap som skal tøma bosset eller brøyta på vegane.

 

Her er nokre tips som kan gjera bosstømming om vinteren enklare:

• Legg avispapir i botn på dunken. Då frys ikkje bosset fast.
• Rydd plass til bossbilane på tømmedagen.
• Brøyt godt rundt dunkane - det kan koma meir snø.
• Ta inn bossdunken etter tøming. Den kan stå i vegen for trafikk, og det er vanskeleg å brøyta rundt ein bossdunk.
• Ikkje plasser dunkane rett bak brøytekantar. Det er trungt å dra dunken over kanten, og dunken kan lettare bli skadd.

 

 

Retura Vest køyrer bossbilane

Frå 1. januar i år køyrer Retura Vest AS bossbilane for NGIR. Retura Vest er eit aksjeselskap med kontor i Bergen. BIR Bedrift eig 50 %, og dei siste 50 % er eigd av Hans Ask Transport AS, Brødrene Salomonsen AS og Strandvik Transport og Maskin AS med 16,66 % kvar. I 2009 hadde selskapet ei omsetting på 30,7 millioner kroner.